Sotanghon soup

Baked Shrimp in Lemon

Wala akong magawa at nag-isip ng kung anong pwedeng lutuin. Lunch namin longganisa, kaya sabi ko luto ako ng gulay o kaya seafood. Wala naman akong gulay sa fridge kaya siyempre nanalo ang seafood. Natikman ko na to na niluto ng pinsan ko, pero magka-iba kami ng seasoning kasi di ako kumpleto ng mga ganun. Eto ang ingredients ko:

Shrimp
Butter
Lemon (sliced)
Garlic powder
Pepper
Chili flakes
Salt to taste
Italian seasoning (yun ang wala ako kaya yung apat ang ginawa kong seasoning, pero kung meron kayo nito, wag niyo ng lagyan nung mga ibang seasoning). 350 degrees for 15 minutes

Instruction:
1. Sa isang baking pan, spread niyo ng melted butter.
2. I-layer niyo yung kalahati ng na-sliced niyong lemon.
3. Sa isang bowl, ilagay niyo yung nalinisan ng shrimp tapos toss niyo shrimp sa remaining ingredients.
4. Pagkatapos i-toss, i-layer na rin sa pan yung shrimp. Yung natitirang sliced lemon ilagay niyo na rin sa ibabaw ng shrimp.
5. Lagyan niyo ng butter sa ibabaw ng shrimp.
6. Ilagay na sa oven and bake for 10-15 minutes. Wag masyadong patagalin kasi pumapait ang lemon pag over-cooked.

Ayan ayan. Sana naintindihan niyo ha. Lapz na!

Paksiw na Sili at Talong

Eto ang pinaka-paborito ko lahat, ang paksiw na sili na may talong. Kapag nagluto na si Auntie ko ng ganito, sigurado taob ang kaldero. Hindi nawawala ang tanim na sili sa bukid nila Lolo at Lola. May sitaw, talong, calamansi, kalabasa, amplaya at marami pang ibang klaseng gulay ang tanim nila. Eto ang masarap kapag nakatira ka sa Probinsiya at malapit lang sa bukid. ( na pag-aari niyo ha). Okay okay eto na ginamit ko sa lutong ito:

Siling-haba
Talong
Sibuyas
Bawang
Luya
Pamintang-buo
Bagoong
Suka

Paano ko niluto? Eto:

1. Magpakulo ng tubig sa kaserola. ( wag masyadong maraming tubig, mga 2 cups ayos na depende sa dami ng gulay mo)
2. Kapag kumulo na, maglagay ka ng bagoong sa bowl, kuha ka ng tubig sa kaserola, ilagay sa bowl na may bagoong at saka ibalik mo sa kaserola habang sinasagat ito. ( para hindi matinik) or kung gamit niyo naman yung sabaw lang o boneless bagoong, ilagay niyo na ng direkta sa kumukulong tubig. Tantsahin niyo yung lasa, wag masyadong maalat.
3. Pakiluin ng 3-5 minutes ang tubig na may bagoong.
4. Ilagay na ng sabay-sabay ang mga gulay, sibuyas, bawang, luya at pamintang-buo.
5. Kapag medyo luto na ang mga ito, lagyan ng suka (mga 1/4 cup lang), tandaan ang golden rule sa paglalagay ng suka, wag munang tatakpan o hahaluin pagkalagay ng suka ha.
6. Pagkatapos ng mga 5 minutes after nalagyan ng suka, takpan mo na at hintayin maluto ng tuluyan ang mga gulay. ( para sa akin, i prefer yung medyo over-cooked yung gulay, pero kayo pa rin masusunod, kayo kakain niyan e.)

O ayan, tapos na. Paulit-ulit ko itong sasabihin, hindi ako marunong mag-write down ng instruction. Intindihin niyo nalang po.

Biko ( Traditional Rice Cake of the Philippines)

Eto ang isa sa napakaraming kakanin ng Pilipinas. Akala ko dati mahirap gawin ito. Sa Pilipinas kasi parang ang complicated ng pagluluto nito. Since namimiss ko ang Biko, nag-try ako na magluto nito (which i did successfully). Para sa niluto kong Biko, eto ingredients:

4 cups ng Glutinous Rice ( malagkit)
2 cans coconut milk
1 1/2 brown sugar or white
1 can jackfruit (langka)

For latik
1 can coconut oil

Paano ko niluto? Eto ang procedure:
1. Iluto ang malagkit sa rice cooker.
2. Habang hinihintay na maluto ang malagkit, sa isang pan, boil mo yung coconut milk then add yung sugar. Stir mo until na maging sticky na or nabawasan na ng halos kalahati yung coconut milk.
3. Ihalo na yung kaning malagkit. Continous mo lang na ihalo for 10-15 minutes.
4. Ihalo na yung langka. Mix mo mabuti para equally distibuted yung langka sa malagkit.
5. Pagkatapos, gawin mo naman yung latik. Boil mo yung coconut oil, continous mo lang din na stir until na may lumabas ng oil tapos makikita mo na magbubuo sila ng maliliit. Wait mo lang na mag-brown.
6. Yung oil sa latik, gamitin mo yun sa isang pan na paglalagyan mo ng nalutong Biko para hindi ito dumikit.
7. Ako kasi binake ko pa ang ginawa kong Biko, pero pwede ng hindi. Kung gusto niyo i-bake, set mo lang sa 350 degrees for 20 minutes.
8. Skip mo yung step 7 kung di mo bake. Ilagay na sa ibabaw, (toppings) yung latik..

Ayan ready to eat na! Sorry kung di ako masyado marunong sa instructions. Intindihin niyo nalang po. Enjoy your Biko express!!

Tinolang Manok

I know i know, this is not the usual look of a Tinolang Manok. But it is Tinola. Isa to sa paborito kong ulam. Lalo na kung native na manok, panalo talaga. Since papaya at sili (jalapeno pa) ang gulay ko dito, yun nalang ginamit ko. Pero kapag nasa Pinas ako, si Mama ko or si Auntie ko pinagluluto ko, iba kasi kapag sila ang nagluto, masarap talaga! Naimas! Nilalagyan nila ng papaya o sayote, dahon ng malunggay, at dahon ng sili. Para sa kumpletong ingredients, eto:
Manok ( native o kahit ano na)
Luya
Bawang
Sibuyas
Pamintang buo
Papaya o sayote
Dahon ng malunggay
Dahon ng sili o siling haba
Patis o asin ( depende sa gusto mo)

Shake-Shake

Alam ko di masyadong nakikita kung anong meron sa baso na to, pero eto lang masasabi ko, Masarap to!! Tuwing Summer, palagi akong gumagawa ng Shake. (di ko maalala ibang tawag nito ngayong ginagawa ko tong blog na to hehe). Refreshing, kasi ang init nga naman diba. Usually homemade lahat ng shake na ginagawa ko. ewan ko ba, pwede naman ako bumili nalang pero mas gusto ko pa pinapahirapan sarili ko. Paborito ko ang Avocado shake, Mango shake, strawberry-banana Shake ( yan yung nasa picture) at kung anu-ano pa. Ingredients nito, eto:

Strawberry
Banana
Fresh Milk
Sugar (optional, pero di ko nilagyan yung ginawa ko)
ice (pero di ko nilagyan to) Blender pa pala

Enjoy!

Ensaladang Mangga

Kapag ang ulam mo ay pritong isda, inihaw na gulay gaya ng talong, okra, sili at inihaw na isda; eto ang masarap na kasamang sawsawan. Depende sa'yo kung anong gusto mong ihalo dito, pwedeng Bagoong, Alamang, Patis, Suka, Asin o kahit wala. Tiyak na mapaparami ang iyong pagkain lalo na at salo-salo kayong pamilya, o kaibigan. Ang sabi nga namin sa Ilocano, "nag-imas-sen!" (Masarap sa tagalog). Kung minsan nga, eto lang ulam ko e, busog-sarap na! Wow, sobra ko namang namiss sa Pinas. sarap nito pag kumain ka na nagkakamay lang. Agawan kayo sabay kwentuhan. Hindi maaalis sa ating mga Pilipino ang magkwentuhan habang kumakain. Kung gusto niyo ng ingredients nito, eto:

Mangga
Sibuyas ( mas masarap kung yung sinasabing Lazona)
dahon ng lazona
Luya
Kamatis
(Depende na sa inyo kung gano karami ang ilalagay)


napaka-simple pero Naman!! ang sarap ng kain!!!